История

Сваю гісторыю прадпрыемства вядзе з 12 студзеня 1987 года, калі быў створаны Беларускі інстытут па вышуканню і праектаванню рамонта аўтамабільных дарог «Белрэмдарпраект». Ужо ў той час Iнстытут развіваў напрамак дыягностыкі аўтамабільных дарог. За гады працы прадпрыемства неаднаразова пераўтваралася і мяняла назву. У 1993 годзе быў створаны «Беларускі цэнтр па дыягностыцы і кантролі за транспартна-эксплуатацыйным станам аўтамабільных дарог і збудаванняў на іх» (ДП «Белдарцэнтр»), у склад якога ўвайшлі «Белрэмдарпраект» і Дырэкцыя па тэхнічным наглядзе за вядзеннем дарожных работ Міндарбуда. У 2000 годзе ДП «Белдарцэнтр» перарэгістравана ў Рэспубліканскае унітарнае прадпрыемства па дыягностыцы і кантролі за станам аўтамабільных дарог «Белдарцэнтр». Далей, шляхам зліцця яго ў 2005 годзе з РУП «Беларускі дарожны навукова-даследчы інстытут» і НТ РУП «Камп’ютарны цэнтр» было створана Рэспубліканскае унітарнае прадпрыемства «Беларускі дарожны інжынерна-тэхнічны цэнтр».

У 2007 годзе ў мэтах удасканалення кіравання навуковай дзейнасцю, звязанай з утрыманнем, рамонтам і развіццём аўтамабільных дарог, адасобленае падраздзяленне прадпрыемства – філіял «Інстытут дарожных даследаванняў» – было рэарганізавана ў Рэспубліканскае даччынае ўнітарнае прадпрыемства «Беларускі дарожны навукова-даследчы інстытут «БелдарНДІ» з наданнем яму статусу юрыдычнай асобы.

РУП «Белдарцэнтр» не спыняецца ва ўдасканаленні сваёй дзейнасці: паспяховаму развіццю прадпрыемства спрыяюць шматпрофільнасць у аказанні паслуг, якія адказваюць высокім патрабаванням, павышэнне эфектыўнасці і якасці работ, укараненне новай тэхнікі, выкарыстанне сучаснай матэрыяльна-тэхнічнай базы і вытворчага патэнцыялу спецыялістаў.